اترپردیش کے ضلع پرتاپ گڑھ میں ضلع ہیڈکوارٹر سے تقریبا 60 کلو میٹر دور لکھنؤ ہائی وے پر تھانہ ہتھگواں کے پچھرولی گاؤں کے قریب ایک ٹرک کو اوور ٹیک کرنے کی کوشش میں دو موٹر سائیکلوں کی آمنے سامنے کی ٹکر میں دو افراد کی موت ہوگئی جبکہ دیگر تین افراد زخمی ہوگئے۔
پولیس نے بدھ کو یہاں بتایا کہ کل دیر رات ہوئی ٹکر میں ایک موٹر سائیکل پر تھانہ باگھرائے کے بیدھن گوپال پور گاؤں کے شیام لال پٹیل، نیرج پٹیل، وجئے پٹیل تھے جبکہ دوسری موٹر سائیکل پر رنکو چھترپال تھے۔ ٹکر میں سبھی سڑک پرجا گرے۔
پولیس کا کہنا ہے کہ حادثے میں شیام لال اور رنو کی موت ہوگئی۔ شدید طور سے زخمی تینوں کو پریاگ راج کے سوروپ رانی اسپتال میں داخل کرایا گیا ہے۔
