ریاست جھار کھنڈ کے شہر گریڈیہ کے ڈسٹرکٹ چیمبر آف کامرس نے گاڑی کا بندوبست کرتے ہوئے 3 بسیں اور 7 ایس یو وی کولکتہ روانہ کردی ہیں۔ ہفتہ کی صبح ان گاڑیوں کو جھنڈی کے ساتھ روانہ کیا گیا۔
چیمبر آف کامرس کے ضلعی صدر نرمل جھنجو والا نے بتایا کہ کولکاتہ میں 90 بچے اور 35 دیگر پھنسے ہوئے ہیں۔ ان لوگوں سے رابطے کے بعد گاڑیوں کا انتظام کیا گیا ہے۔ چیمبر آف کامرس کے ضلعی صدر نے بتایا کہ کچھ دیگر افراد بھی کلکتہ کے ہاوڑا میں پھنسے ہوئے ہیں ان کے لئے گاڑی بھیجی جائے گی۔
انہوں نے کہا کہ دیگر ریاستوں میں پھنسے بچوں کے لئے بھی گاڑیوں کا انتظام کیا جارہا ہے۔ اس موقع پر پردیپ اگروال، وکاس کھیتان، دنیش کھیتان، مکیش جالان، راکیش مودی، روہت جالان، ستیش کیڈیا موجود تھے۔
