ضلع غازی آباد کے کسانوں کو لاک ڈاؤن اور قدرتی مسائل کی وجہ سے کافی زیادہ پریشانیوں کا سامنا کرنا پڑ رہا ہے اور اب گیہوں فروخت کرنے کے بعد منڈیوں کی جانب سے کسانوں کو وقت پر ادائیگی نہیں کی جارہی ہے۔
کسانوں کو وقت پر ادائیگی نہ ہونے وجہ سے ان کی مشکلات میں اضافہ ہورہا ہے۔
مراد نگر کے گاؤں جلال آباد کے کسان نریندر چودھری نے بتایا کہ ’وہ گندم کی کاشت کرتے ہیں اور انھوں نے ایک ہفتہ قبل ہی اپنے گندم کو منڈیوں میں فروخت کیا ہے لیکن ایک ہفتہ گزرنے کے بعد بھی ابھی تک گندم کی ادائیگی نہیں کی گئی ہے۔
انھوں نے مزید کہا کہ پہلے انہیں فوری طور پر ادائیگی کردی جاتی تھی، لیکن اس مرتبہ ایک ہفتہ کے اختتام کے بعد بھی ادائیگی نہیں کی گئی ہے اور جب وہ منڈیوں میں ادائیگی کے لیے کال کرتے ہیں تو کوئی جواب بھی نہیں دیا جاتا ہے۔
انھوں نے کہا کہ منڈی نے انہیں جھوٹی یقین دہانی اور پرچی دے دی تھی اور ان سے وعدہ کیا گیا تھا کہ انہیں ایک ہفتے میں رقم دے دی جائے گی لیکن اب تک انہیں نہ تو کوئی پیغام ملا ہے اور نہ ہی رقم۔
کسان نریندر چودھری نے کہا کہ گندم کی عدم ادائیگی کے سبب انہیں مزدوروں، کھادوں اور ٹریکٹروں میں ڈیزل ڈالنے کے لیے مسئلہ درپیش ہے اور زیادہ تر کسان غازی آباد ضلع کے گووند پورم منڈی میں اناج فروخت کرتے ہیں لیکن اس مرتبہ ادائیگی میں تاخیر ہوکی وجہ لاک ڈاؤن کو قرار دے رہے ہیں۔
