ضلع گیا میں آج صبح بدمعاشوں نے مکیش یادو کو گولی مارکرہلاک کردیا، جس کے بعد مقامی افراد مشتعل ہوگئے اور احتجاج میں مظاہرہ کرتے کرنے لگے، بودھ گیا شاہرہ کو جام کردیا، مشتعل عوام نے کئی موٹرسائیکل کو بھی نذرآتش کردیا۔
معاملے کی اطلاع ملتے ہی پولیس جائے وقوع پر پہنچی اور مشتعل افراد سمجھا نے کی کوشش کرنے لگی اس دوران پولیس نے یقین دہانی کرائی کہ ملزمین کی گرفتاری جدل از جلد کی جائے گی۔
ہلاک شدہ مکیش یادو کے بھائی پنٹویادو نے بتایا کہ مکیش کے دوستوں کے ساتھ زمین کولیکر گزشتہ رات جھگڑا ہوا تھا، گزشتہ رات بھی اسکے ساتھ مارپیٹ کی گئی تھی اور آج صبح آٹھ بجے گولی مارکراسے ہلاک کردیاگیا ہے۔
وشنوپتھ تھانہ کے انچارج تیواری نے بتایاکہ واقعہ کی اطلاع ملتے ہی پولیس نے پہنچ کرمکیش کوہسپتال پہنچایاجہاں اسکی موت ہوگئی ہے۔ معاملے کی تفتیش جاری ہے، جلد ہی ملزم کر گرفتار کر لیا جائے گا۔
