کورونا وائرس کا خوف پورے ملک میں جاری ہے اس وائرس سے متاثر افراد کی تعداد میں مسلسل اضافہ بھی دیکھا جا رہا ہے۔
اس وائرس کا اثرعالمی پیمانہ پر دیکھنے کو مل رہا ہے خاص طور پر اس وائرس کی وجہ سے لوگ بیرون ملک اور اندرون ملک میں سفر سے گر یز کر رہے ہیں۔
سیاحوں کی آمد میں کمی کی وجہ سے تمام تاریخی مقامات پر خاموشی چھائی ہے لوگ ادھر ادھر گھومنے کے بجائے گھروں میں رہنے کو ترجیح دے رہے ہیں۔
اطلاع کے مطابق ریاست بہار کے بودھ گیا میں واقع سیاحتی مقام میں کورونا وائرس کے خوف سے سیاحوں کی تعداد میں بڑی کمی دیکھی جا رہی ہے۔ جس کی وجہ سے بودھ گیا ٹورزم پر کافی اثر پڑ رہا ہے۔
بودھ گیا کا سیاحتی مقام ہمیشہ اندرون و بیرون سیاحوں کا مرکز رہا کرتا تھا لیکن ان دنوں وہاں سنا ٹا طاری ہے۔
ٹورسٹ گائیڈ کے صدر راکیش کمار نے بتایا کہ' کورونا وائرس کے خوف سے سیاحوں کی میں بڑی کمی دیکھی جا رہی ہے جبکہ فروری اور مارچ میں یہاں سیاحوں تانتا بندھا رہتا تھا لیکن ابھی ایسا نہیں ہے۔
مزید پڑھیں:کورونا وائرس : سعودی شہریوں کی مکہ-مدینہ میں داخلے پر پابندی
بودھ گیا ٹور اینڈ ٹریولز کے صدر سریش سنگھ نے بتایا کہ کورونا وائرس کی وجہ سے 80 فیصد سیاح یہاں نہیں آرہے ہیں، جبکہ اس قبل مارچ کے ماہ میں یہاں ایک بڑی تعداد میں سری لنکا سے سیاح آتے تھے لیکن اس وائرس کے خوف سے سیاہوں کی آمد و رفت بالکل نہ کے برار ہے۔
