گیا میں عظیم اتحاد اور بائیں بازو کی پارٹیوں کی مشترکہ قیادت میں گیا کے گاندھی میدان گیٹ نمبر پانچ پر احتجاج کیا گیا۔
مظاہرے کی صدارت رالوسپا کے ضلع صدر نے کی۔ عظیم اتحاد اور بائیں بازو کی پارٹیوں نے ریاستی ومرکزی حکومت کی عوامی پالیسیوں کے خلاف مظاہرہ کیا ہے۔
خطاب کرتے ہوئے مقررین نے کہا کہ حکومتیں کارپوریٹ گھرانوں کے اشاروں پر کام کررہی ہیں۔ عوام کے حقوق کو کچلا جارہا ہے، کسان، نوجوان حکومت کی غلط پالیسیوں کی وجہ سے سڑکوں پر ہیں۔
ضلع صدر رالوسپا راجیو پرکاش نے کہا کہ ریاست میں بگڑتی صورتحال، قتل، اغوا، لوٹ جیسے سنگین مجرمانہ واقعات پیش آرہے ہیں، مگر حکومت انہیں روکنے میں کامیاب نہیں ہے۔
تعلیم،صحت، زراعت وغیرہ کانظام درہم برہم ہوچکا ہے، حکومت کی توجہ ان سب چیزوں پر نہیں ہے، حکومت کے خلاف مظاہرہ کرکے مسائل اٹھائے جارہے ہیں لیکن حکومت کی نیند نہیں ٹوٹ رہی ہے۔
