سینئر پولیس سپرنٹنڈنٹ راجیو مشرا نے آج یہاں پریس کانفرنس میں بتایا کہ اپریل ماہ میں سول لائنس تھانہ میں شوبھا کماری کی گمشدگی کا معاملہ درج کرایا گیاتھا۔ تحقیق کے دوران دو ملزمین کو گرفتار کر کے جیل بھیجا گیا تھا۔ ان کے پاس سے خاتون کی موبائل ملی تھی۔
مسٹر مشرا نے بتایا کہ کچھ دن قبل شہرکے وشنو پد تھانہ کے تحت ایک خاتون کی لاش برآمدکی گئی ۔ شناخت کے دوران یہ بات نکل کر آئی کہ آٹھ ماہ قبل سول لائنس تھانہ میںشوبھا کماری کی گمشدگی کاجو معاملہ درج کرایا گیا ہے برآمد لاش مذکورہ خاتون کا ہی ہے۔ اس کے بعد تفتیش کے دوران شوہر کی شمولیت سامنے آئی جس کے بعد اسے گرفتار کر لیا گیا ہے۔
سینئر پولیس سپرنٹنڈنٹ نے بتایا کہ گیا شہر کے سول لائنس تھانہ کے تحت کوئری باری محلے کے رہنے والے انل کمار کی شادی گیا کے ہی کھر کھرا محلے کی شوبھا کماری کے ساتھ ہوئی تھی۔ اہلیہ کا دوسرے شخص کے ساتھ ناجائز تعلقات ہونے کی وجہ سے شوہرکافی پریشان تھا۔ اسی وجہ سے اس نے دو لوگوں کو 25 ہزار روپے دے کر اپنی اہلیہ کا قتل کرا دیا۔
دریںا ثناء معاملے میں گرفتار شوہر انل کمار نے جرم قبول کرتے ہوئے کہا کہ اہلیہ کے ناجائز تعلقات گیا کے ہی رہنے والے ایک لڑکے کے ساتھ تھے۔ بار۔ بار منع کرنے کے بعد بھی اہلیہ نہیں مانی۔ اس کے بعد سپاری کلر کے ذریعہ بیوی کا قتل کروا دیا۔
