ریاست بہار کے ضلع گیا میں چھٹے مرحلے کی ووٹنگ شروع ہوچکی ہے. آج ضلع کے تین بلاکس کی کل 29 پنچایتوں کے لیے ووٹنگ ہورہی ہے. ان تین بلاکس میں 19 ایسے بوتھس ہیں جو انتہائی حساس اور نکسل متاثر ہیں. ان بوتھس پر سی آرپی ایف ،ایس ایس بی اور ضلع پولیس کی بھاری تعیناتی کی گئی ہے۔
پنچایت انتخابات کے چھٹے مرحلے کے تحت کُل 29 پنچایتوں 414 ووٹنگ مرکز بنائے گئے ہیں تینوں بلاکس میں کل 921 سیٹوں پر 3242 امیدوار قسمت آزمائی کررہے ہیں. ان تینوں بلاکس میں مسلم ووٹرز کی آبادی تقریباً سترہ فیصد ہے.
کئی بوتھس پر انتظامات ندارد ہیں. شیر گھاٹی بلاک کے دریا پور پنچایت کے بوتھ نمبر 5، 8 اور بوتھس نمبر 9 اور 11 پر انتظامات کے نام پر خانہ پوری کی گئی ہے۔
بوتھ نمبر پانچ اور آٹھ پر 13 سو سے زائد ووٹرز ہیں تاہم بوتھ اور اس کے آس پاس اتنے ووٹرز کے کھڑے ہونے کی جگہ نہیں ہے، مرد و خواتین کھیت میں قطار بند نظر آئیں یہاں امیدواروں کے حمایتی قطار بند ووٹرز کو اپنے اپنے امیدوار کے حق میں ووٹ ڈالنے کے لیے سمجھا تے نظر آئے۔ جبکہ بوتھ پر کھڑے مجسٹریٹ اور پولیس کے جوان تماشائی بنے ہوئے تھے
مزید پڑھیں
:دربھنگہ: پنچایت انتخابات کے لیے ای وی ایم اسکیننگ کا کام جاری
اسی طرح بوتھس نمبر نو اور گیارہ کا بھی یہی حال رہا۔ یہاں بھی انتظامات کے نام پر خانہ پری ہے۔ ووٹنگ مرکز پر لائٹ کا انتظام نہیں ہے جسکی وجہ سے بزرگ ووٹرز کو ای وی ایم مشین پر نشان پہچاننے میں کافی پریشانیوں کا سامنا ہے
