گیا کے سیکڑوں مقامی افراد نے ضلع مجسٹریٹ کے دفتر پہنچ کر ضلع کے شمالی تھانہ حدود کے جولے بگہا گاؤں کے مڈل اسکول انچارج کے خلاف شکایت کی ہے۔ مقامی لوگوں کا کہنا ہے کہ اسکولوں میں تعلیمی نظام بہتر نہیں ہیں۔ انتظامیہ کی جانب سے ہمیشہ دعوی کیا جاتا رہا ہے کہ سرکاری اسکولوں میں اب پہلے سے بہتر نظام ہو چکے ہیں لیکن یہ دعوے جھوٹے ثابت ہوتے ہیں۔
سنیچر کے روز سیکڑوں مرد و خواتین ڈی ایم دفتر بہنچے اور ڈی ایم سے اسکول میں بدعنوانی اور تعلیمی سرگرمی بند ہونے کی شکایت کی۔ لوگوں نے ڈی ایم سے بتایا کہ اسکول میں تعلیمی سرگرمی کئی دنوں سے بند ہے۔ یہاں اسکول اگر کھلتے ہیں تو انچارج نہیں پہنچتے ہیں۔ مڈ ڈے میل کا کھانا بھی شیڈول کے تحت نہیں ملتا ہے، اگر کھانا بچوں کو ملتا بھی ہے تو وہ اچھے نہیں ہوتے ہیں۔
لوگوں کا کہنا ہے کہ کئی ماہ سے یہاں کے انچارج اسکول نہیں پہنچے ہیں۔ اسکول کمیٹی کی تشکیل نہیں ہوئی ہے۔
ضلع مجسٹریٹ سے ملنے پہنچے مہیندر کمار آزاد نے کہا کہ ان کے گاؤں کے اسکول میں تعلیمی نظام ٹھپ ہونے کی وجہ سے بچے تعلیم سے محروم ہیں۔ انچارج کئی ماہ سے اسکول نہیں پہنچے ہیں۔ اسکول میں اکثر چوری کی شکایت سامنے آتی ہے۔
انہوں نے مذید کہا کہ مقامی سطح کے افسران سے بھی کئی بار شکایت کی جا چکی ہے تاہم کوئی حل نہیں نکلا ہے۔ ضلع مجسٹریٹ سے امید ہے کہ وہ گاؤں کے بچوں کی تعلیم کا انتظام کرائیں گے۔
