ریاست بہار کے ضلع گیا میں ماہی گیری کے شعبہ میں ایک نوجوان بارہ سال کی عمر سے ہی مچھلی پالن کو اپنا ذریعہ معاش بنایا ہوا ہے۔
گیا کے کٹاری ہل کا رہنے والا یہ نوجوان جس کا نام سچن کمار ہے، ان دنوں مچھلی پالن کا کاروبار کرنے کو لے کر سرخیوں میں ہے۔
سچن نے چھوٹی عمر سے ہی سے مچھلی کا کاروبار شروع کر دیا تھا جس کی وجہ سے اس وقت وہ اپنے علاقے میں ماہی گیری کا ایک بڑا کاروبار شروع کر چکا ہے، سچن کے مطابق مچھلی کے کاروبار کی وجہ سے اس کی معاشی حالت کافی زیادہ بہتر ہوئی ہے۔
گیا ریلوے اسٹیشن کے قریب کٹاری ہل محلے میں ریلوے کی زمین پر بنائے گئے تالاب کو سچن نے ٹھیکہ پر لے رکھا ہے، 20 سے 25 ایکڑ پر ماہی گیری کا ایک بڑا کاروبار اس نے کیا ہے۔
سچن کمار نے اپنے دوستوں کو بھی اس کاروبار سے منسلک کرنے کے ساتھ وہ انہیں خود مختار بھی بنانے کی کوشش کر رہا ہے۔
سچن اسوقت اپنے دوستوں کے ساتھ مل کر 8 بڑے تالاب پر مچھلی پالن کا کاروبار انجام دے رہا ہے ج س کی دیکھ بھال کے لیے چالیس افراد کو رکھا ہے۔
سچن کا کہنا ہے کہ ماہی گیری کا کام اس نے اپنے ماما سے سیکھا ہے جن کے ساتھ وہ کم عمری سے کام کرتا تھا اور اسی کو دیکھ کر مچھلی پالن کی طرف اسکی دلچسپی بڑھی ہے حالانکہ اسکا یہ بھی ماننا ہے کہ ابتدائی دور میں اسے کافی مشکلات کا سامنا کرنا پڑتا تھا لیکن اب اس کا بازار ہر جگہ دستیاب ہے۔
