ریاست بہار کے ضلع گیا میں پولیس کی تساہلی کا فائدہ اٹھاکر بدمعاش کھلے طور پر مجرمانہ واقعات کو انجام دے رہے ہیں۔
گیا میں بدمعاشوں نے دن کے اجالے میں بم پھینک کر خوف کا ما حول پیدا کردیا ہے۔ حالانکہ اس واقعہ میں اب تک کسی طرح کے نقصانات کی اطلاع نہیں ہے ۔
سٹی ڈی ایس پی راج کمار ساہ پولیس دستے کو لے کر علاقے کا معائنہ کر رہے ہیں۔
اطلاع کے مطابق معاملہ زمینی تنازعات سے جڑا ہوا ہے، ایک دکان کو نشانہ بناکر تین بم پھینکے گئے تھے، جس میں ایک بم پھٹا جبکہ دو بم دھماکہ نہیں ہوا۔
پولیس نے پہنچ کر دونوں زندہ بم کواپنے قبضے میں لے لیا اور اسے ڈفیوز کرنے کی کاروائی جاری ہے۔ پولیس آس پاس کے سی سی ٹی وی فوٹیج کھنگالنے میں مصروف ہے۔ بدمعاشوں کی فی الحال شناخت نہیں ہوسکی ہے۔
ڈی ایس پی راج کمارساہ نے بتایاکہ اطلاع ملنے کے بعد پولیس معاملے کی تفتیش کررہی ہے۔ جوبم بلاسٹ ہوا ہے اسکے باقیات کو یکجا کیاجارہاہے، زندہ برآمد بم ستلی بم ہے جو ہاتھوں سے تیار کیاجاتاہے۔
مزید پڑھیں: مہاراشٹر سیاسی بحران : سماعت کل تک کے لیے ملتوی
مقامی شخص نے بتایا کہ حملہ اچانک ہوا، وہ گلی میں بدمعاشوں کو فرار ہوتے ہوئے دیکھا ہے۔۔
