گیا: وزیر اعلیٰ نتیش کمار آج کئی بڑے منصوبوں کا جائزہ لیں گے

بہار کے گیا دورہ پر آج وزیر اعلیٰ نتیش کمار پہنچ رہے ہیں۔ یہاں وہ " گنگا ادھواہ " منصوبہ کے تحت ہورہے کاموں کا جائزہ لیں گے۔

وزیر اعلیٰ نتیش کمار کی آج گیا آمد ہے۔ یہاں وہ گنگا واٹر لفٹ پروجیکٹ فار ڈرنکنگ واٹر فیز۔1(gnaga water lift project for drinking water phase 1) کا جائزہ لیں گے۔

اس منصوبے کے تحت گنگا ندی سے راجگیر نالندہ ہوتے ہوئے پائپ لائن کے ذریعے پانی لاکر گیا کے مانپور آبگلہ میں اسٹاک کیا جائے گا اور پھر یہاں سے اس پانی کو فلٹر کرکے گیا اور بودھ گیا میں سپلائی کی جائے گی۔

یہ پروجکٹ کل 2836 کروڈ کی لاگت سے تعمیر ہوگا اور مارچ 2022 تک بن کر تیار ہوگا۔ بتایا جا رہا ہے کہ 60 فیصد کام ہو گیا ہے۔

وزیر اعلیٰ نتیش کمار نے گیا میں پانی کی قلت اور بحران کو دیکھتے ہوئے اس منصوبے کو منظوری دی تھی۔ سنہ 2018 سے اس منصوبے کے تحت کام ہو رہا ہے۔

اس کے ساتھ ہی پھلگو ندی پر بن رہے ربر ڈیم پروجیکٹ کا بھی وزیر اعلیٰ نتیش کمار جائزہ لیں گے۔ گیا میں ان کی آمد سے قبل تمام تیاریاں مکمل کر لی گئی ہیں۔ حفاظتی انتظامات پختہ کیے گئے ہیں۔ بڑی تعداد میں پولیس جوانوں کی تعیناتی کی گئی ہے۔ ضلع کے اعلیٰ حکام موقع پر موجود ہیں۔