رشوت وصول کرتے پکڑیےگئے اے سی بی انسپکٹر معطل

اینٹی کرپشن بیورو نے اپنے ہی محکمہ کےپولیس انسپکٹرکو رشوت لیتے ہوئے رنگے ہاتھ پکڑے جانے کے بعد انہیں معطل کر دیاہے۔

ریاست گجرات کے پولیس ڈائریکٹر جنرل شیوانند جھا نے 18 لاکھ روپے کی رشوت وصول کرتے ہوئے اپنے ہی محکمہ اینٹی کرپشن بیورو کے پولیس انسپکٹر ڈی ڈی چاوڑا کو آج معطل کر دیا۔

جونا گڑھ میں تعینات چاوڑا نے زمین سے متعلق بدعنوانی کے ایک ملزم سے گذشتہ 24 دسمبر کو یہ رشوت احمد آباد کے سناتن چوک کے نزدیک وصول کی تھی اور تب ہی بیورو کی ایک ٹیم نے انہیں رنگے ہاتھ پکڑ لیا تھا۔ پولیس نےبتایا کہ مسٹر جھا نے اسے معطل کر دیا ہے۔