دہلی کے وزیر اعلیی اروند کیجریوال نے کہا کہ جمنا پچھلے 70 برسوں سے آلودہ ہورہی ہے جس کی وجہ سے اسے کچھ دنوں میں صاف نہیں کیا جا سکتا۔ تاہم میں نے گذشتہ انتخابات کے دوران یہ وعدہ کیا تھا کہ میں آئندہ انتخابات سے قبل جمنا میں ڈبکی لگاؤں گا اور دہلی کے لوگ بھی ڈبکی لگا سکیں گے۔
وزیراعلیٰ نے کہا کہ حکومت نے اس حوالے سے چھ نکاتی ایکشن پلان تیار کیا ہے جس کی وہ خود نگرانی کر رہے ہیں۔
1) سب سے پہلے، دہلی حکومت سیوریج ٹریٹمنٹ کے لیے نئے پلانٹ بنائے گی اور موجودہ پلانٹ کی صلاحیت میں اضافہ کیا جائے گا۔
2) حکومت ٹیکنالوجی کا استعمال کرتے ہوئے دہلی کے چار بڑے نالوں کی صفائی کرے گی۔ ان میں نجف گڑھ نالہ، بادشاہ پور نالہ، غازی پور نالہ اور سپلیمنٹری نالہ شامل ہیں۔
3) دہلی کے وزیراعلی اروند کیجریوال کے مطابق صنعتی فضلہ صرف کاغذوں پر صاف کیا جاتا ہے۔ ایسے میں حکومت صنعتی اکائیوں پر کریک ڈاؤن کرے گی۔
4) کچی آبادیوں اور کلسٹر بیت الخلاء کا فضلہ نالوں میں جاتا ہے۔ اسے گٹر سے جوڑا جائے گا۔
یہ بھی پڑھیں:
چھٹ: جمنا کے گندہ پانی میں عقیدت مند ڈبکی لگانے پر مجبور
5) حکومت اب سب کو سیوریج کنکشن دے گی۔ اس کا ٹیکس پانی کے بل کے تحت وصول کیا جائے گا۔
6) پورے سیوریج نیٹ ورک کے لیے ڈیسلٹنگ کا منصوبہ تیار کیا گیا ہے۔ وقت پر صاف ہو جائے گا۔
