قومی دارالحکومت دہلی کے شاہین باغ علاقے میں آج دوپہر ایک شخص نے گولی چلا دی، پولیس کی تعیناتی اور مزید بندشوں کے باوجود وہ شخص بآسانی اندر گھس آیا۔
گولی چلانے والے شخص کا نام کپل گجر بتا یا جا رہا ہے، مشرقی دہلی کے دلو پورا گاوں کا رہنے والے اس شخص نے دھرنے پر بیٹھے لوگوں پر کیوں گولی چلائی؟ اس تعلق سے ای ٹی وی بھارت کے نمائندہ نے حملہ آور شخص کپل گجر کے والد سے بات کرکے ان سارے حالات کے پس منظر کو سمجھنے کی کوشش کی۔
گولی چلانے کے بعد جب لوگوں نے حملہ آور شخص کو پکڑا تو اس کی زبان پر 'بھارت ہندووں کا ملک ہے، یہاں صرف ہندوں کی چلے گی' جیسے نعرے تھے۔
مزید پڑھیں: دہلی میں مظاہرین پر 48 گھنٹے کے اندر دوسری فائرنگ
واضح رہے کہ 'دہلی پولیس کی تعیناتی کے باوجود گذشتہ روز جامعہ ملیہ اسلامیہ کے طلبا پر بھی ایک حملہ آور شخص کے ذریعے فائرنگ کی گئی تھی جس میں ایک طلبا کے ہاتھ میں گولی لگی تھی جس سے وہ برح طرح زخمی ہوا تھا۔
ان سارے واقعات کے پیش نظر جہاں پولیس اہلکاروں کو ان دھرنے پر بیٹھے مرد و خواتین کے تعلق سے مزید تعیناتی میں اضافہ کیا جانا چا ہئے تھا، لیکن اس برعکس پولیس کی موجودگی میں پھر دوبارہ شاہین باغ میں شہریت ترمیمی قانون کے خلاف دھرنے بیٹھے لوگوں پر ایک دوسرے شخص نے گولی چلائی۔
