عام آدمی پارٹی کی اساتذہ تنظیم دہلی ٹیچرس ایسوسی ایشن (ڈی ٹی اے) نے دہلی یونیورسٹی میں تعلیمی امور میں سب سے زیادہ فیصلہ ساز ادارہ اکزکیوٹیو کونسل (اے سی) کے انتخاب میں دو امیدواروں نے کامیابی حاصل کی ہے۔ جیتنے والے امیدوار سنیل کمار، اسسٹنٹ پروفیسر ڈپارٹمنٹ آف کامرس، بھگت سنگھ کالج (ایوننگ) اور ڈاکٹر آشا رانی، ہندی ڈیپارٹمنٹ، پی جی ڈی اے کالج (ایوننگ) ہیں۔
ڈاکٹر آشا رانی کو پہلے ہی خواتین کے کوٹے کے تحت بلامقابلہ منتخب قرار دے دیا گیا۔
دہلی ٹیچرز ایسوسی ایشن (ڈی ٹی اے) کے انچارج پروفیسر ہنسراج سمن نے بتایا ہے کہ ایکزیکٹیو کونسل (اے سی) میں انہوں نے دو امیدوار کھڑے کیے تھے جس میں دونوں امیدوار کامیاب ہوئے۔
پروفیسر سمن نے کہا کہ ان کی تنظیم اساتذہ کے مفادات میں ہمیشہ کھڑی رہے گی۔ ان کا کہنا ہے کہ ہمارے دونوں ممبران انتخابات کے وقت اساتذہ سے کئے گئے وعدوں کو پورا کرنے کے لئے اکیڈمک کونسل کے اندر اور باہر سڑکوں پر لڑیں گے۔
انہوں نے یہ بھی کہا کہ ڈی ایچ اے کی ترجیح میں ایڈہاک اساتذہ کو مستقل کرانا ہے۔ اس کے علاوہ، وزارت تعلیم کی جانب سے 5 دسمبر 2019 کو جاری کردہ سرکلر دہلی کے 28 سرکاری مالی امداد سے چلنے والے 28 کالجوں میں نافذ کیا جانا ہے۔ نیز کسی بھی ایڈہاک اساتذہ کو اس نظام سے خارج نہیں کیا جائے گا جب تک کہ انہیں مستقل ایڈجسٹمنٹ نہ کر دیا جائے۔
