ڈاکٹر جے شنکر نے یہ بھی کہا کہ حکومت ہند نے اس واقعہ کو بہت سنجیدگی سے لیا ہے۔
بعد ازاں خارجہ سیکریٹری ہرش وردھن شرنگلا نے اسرائیل کے خارجہ سیکریٹری ایلن اوشپتز سے اور وزارت خارجہ میں سیکریٹری سنجے بھٹاچاریہ نے ہندوستان میں اسرائیل کے سفیر رون مالکا سے بات کی۔
دارالحکومت دہلی کے انتہائی پوش علاقے اورنگ زیب روڈ پر واقع اسرائیلی سفارت خانے کے نزدیک جمعہ کی شام ایک بم دھماکے کی خبر پر افراتفری پھیل گئی۔ قومی تفتیشی ایجنسی (این آئی اے) کی ٹیم جائے وقوع پر پہنچ رہی ہے ۔ وہیں دہلی پولیس کی اسپیشل سیل کی ٹیم نے موقع پر پہنچ کر وہاں دھماکے کے شواہد اکٹھے کیے۔ اس کے ساتھ ہی آس پاس کے علاقے میں چیکنگ بھی شروع کردی گئی تھی۔ واقعہ کے بعد دہلی پولیس نے پورے علاقے کو سیل کر دیا ہے ۔ جائے وقوع پر بھاری تعداد میں پولیس اور نیم فوجی دستوں کی تعیناتی کی گئی ہے ۔
یو این آئی
