ایوان میں وقفہ سوالات کے دوران کانگریس کے منیش تواری، کے سریش، ترنمول کانگریس کی مہوا موئترا اور کچھ دیگر ارکان نے یہ مسئلہ اٹھایا، اس پر وزیر تعلیم دھرمیندر پردھان نے کہا کہ وہ سمجھتے ہیں کہ اس موضوع کو لے کر عوامی نمائندوں پر دباؤ ہے لیکن یہ درست معاملہ نہیں ہے۔ انہوں نے کہا کہ پہلے یہ کوٹہ دو سیٹوں کا تھا جو بعد میں پانچ سیٹوں کا ہو گیا اور اب 10 ہو گیا ہے۔
یہ بھی پڑھیں:
President conferred Padma Awards: صدر جمہوریہ نے 64 شخصیات کو پدم ایوارڈ سے نوازا
انہوں نے کہا کہ تعلیم بنیادی طور پر ریاست کا موضوع ہے۔ ابتدائی طور پر مرکزی شعبے میں کام کرنے والے ملازمین کے نقطہ نظر سےکیندریہ ودیالیہ کھولنے کی بات کی گئی تھی کیونکہ ان ملازمین کا تبادلہ ہوتا رہتا ہے۔ دھیرے دھیرے ان میں توسیع ہوتی گئی اور پچھلے 50-60 سالوں میں کیندریہ ودیالیہ اور جواہر نوودیا ودیالیوں نے ملک میں وقار حاصل کیا ہے۔ وہ دیہی علاقوں اورٹائر-2 اور ٹائر- 3 شہروں میں اچھی کارکردگی کا مظاہرہ کر رہے ہیں جس سے ان میں کشش بھی ہے۔
