لاک ڈاون کے وقت ہر کوئی حسب استطاعت ضرورت مند لوگوں کی اپنے اپنے طریقے سے مدد کررہا ہے، ایسے ہی بی جے پی کے رہنما تجیندر پال سنگھ بگہ نے بھی سینکڑوں افراد کی مدد کی ہے۔
در اصل بگہ نے سوشل میڈیا کا استعمال کرکے ایک سرکل بنایا ہے، جس میں بی جے پی اور سخت گیر ہندو تنظیم کے کارکنان ان سے منسلک ہیں، تجیندر پال سنگھ بگہ کے مطابق جب بھی کوئی ان سے مدد مانگتا ہے تو وہ اس علاقے کے کارکنان سے رابطہ کرکے ان افراد تک مدد پہنچاتے ہیں۔
اتنا ہی نہیں تجیندر پال اپنے علاقے میں بھی ضرورت مندوں کے درمیان اشیائے خورد نوش بھیجوا رہے ہیں، اس کے لیے انہوں نے پانچ کلو آٹا، دال چاول وغیرہ جیسی ضروری اشیا کا پیکٹ بنایا ہے جسے وہ ضرورت مندوں کے درمیان تقسیم کرکے ان کی مدد کر رہے ہیں۔
