فائر آفیسر کے مطابق آگ دکان میں شارٹ سرکٹ کے باعث لگی اور ایل پی جی گیس سلنڈر پھٹنے سے آگ لگنے سے دکان میں رکھا لاکھوں روپے کا سامان جل کر خاکستر ہوگیا۔
معلومات کے مطابق پونیت گرگ کی اگروال مٹھائی کی دکان سیکٹر الفا-2 میں واقع ستیم کمپلیکس میں واقع ہے۔ پولیس اور فائر بریگیڈ کو منگل کی صبح تقریباًً 4 بجے دکان میں آگ لگنے کی اطلاع ملی۔ اس پر کئی فائر انجن اور کوتوالی بیٹا-2 پولیس موقع پر پہنچ گئی۔ فائر بریگیڈ کے عملے نے تقریباً تین گھنٹے کی محنت کے بعد دکان میں لگی آگ پر قابو پالیا۔
یہ بھی پڑھیں:
نوئیڈا: شرپسندوں کے ہاتھوں وکیل کا قتل
فائر آفیسر جتیندر کمار نے بتایا کہ آگ لگنے سے دکان میں رکھا تمام سامان جل کر راکھ ہو گیا۔ اطلاع ملتے ہی فائر بریگیڈ کا عملہ موقع پر پہنچ گیا اور کافی کوششوں کے بعد آگ پر قابو پایا۔ دکان کے مالک پونیت گرگ نے بتایا کہ آگ لگنے سے دکان میں رکھا لاکھوں روپے کا سامان جل گیا۔ تاہم کسی طرح کا جانی نقصان نہیں ہوا۔ پولس معاملے کی تحقیقات کر رہی ہے۔
