ملکی ہلکے جنگی طیارے تیجس سے لیس ہونے والا یہ فورس کا دوسرا اسکواڈرن ہوگا۔ ان طیاروں کو فائنل آپریشنل کلیئرنس یعنی ایف او سی حاصل ہے اور کوئمبٹور کے قریب سلور ائیر فورس اسٹیشن پر انہیں 18 ویں اسکواڈرن میں شامل کیا جائے گا۔
اس اسکواڈرن کی تشکیل 15 اپریل 1965 میں کی گئی تھی اور اس کا مقصد 'تیز رفتار اور نڈر' ہے۔ اس سے قبل اس اسکواڈرن میں مگ 27 طیارے اڑائے جارہے تھے۔ اس اسکوارڈن کو گزشتہ یکم اپریل کو سولور میں ایک مرتبہ پھر سے نئی شکل دی گئی تھی۔
اٹھارہویں اسکواڈرن نے پاکستان کے ساتھ 1971 کی جنگ میں بڑھ چڑھ کر حصہ لیا تھا اور اس کے جانباز پائلٹ فلائنگ افسر نرمل جیت سنگھ کو بعد میں پرم ویر چکر سے نوازا گیا تھا۔اسکواڈرن کو ’کشمیر کے محافظ‘ کے نام سے بھی موسوم کیا جاتا ہے،کیونکہ یہ پہلا اسکواڈرن تھا جس کے طیاروں نے سری نگر سے اڑان بھری اور وہاں اترے۔اسے نومبر 2015 میں صدر کے اسٹینٹرڈ سے بھی نوازا گیا تھا۔
تیجس چوتھی جنریشن کا دیسی طیارہ ہے جو فلائی بائی وائر فلائٹ کنٹرول سسٹم،مربوط ڈیجیٹل ایوینکس اور ملٹی موٹ راڈارس سے لیس ہے۔ یہ چوتھی نسل کے سپرسونک فائٹرز میں سب سے ہلکا اور چھوٹا ہے۔
