دارالحکومت دہلی گذشتہ تین دن سے نفرت کی آگ میں جل رہا ہے لیکن آج حالات قابو میں ہیں وہیں ای ٹی وی بھارت کے نمائندہ نے مذہبی دیوار کے مابین دوستی اور بھائی چارے کی ایسی دوستی دیکھی جنہیں ہر دہلی کے لوگوں کو موجودہ وقت کے پیش نظر سننا چاہئے۔
ای ٹی وی بھارت کے نمائندہ نے جعفرآباد کے باشندوں سے باتیں کیں جہاں ہندو اور مسلم دونوں طبقوں سے تعلق رکھنے والے افراد اس طرح کے نفرت انگیز فسادات کی مخالفت کی۔ ان میں ہمیں فرقان اور سنیل دو دوست سے ملاقات ہوئی۔
فرقان نے کہا کہ شروع سے ہی یہاں ہندو اور مسلمان باہمی اتفاق کے ساتھ رہ رہے ہیں، انہوں نے یہ بھی بتایا کہ دو دن سے دوکانیں بند ہیں جس کی وجہ سے بچے دودھ پینے سے قاصر ہیں ایسی صورتحال میں ہمارے ایک ہندو بھائی نے دودھ کا بندوبست کیا اور وہ پورے علاقے میں دودھ سپلائی کرتا ہے۔
فرقان کے دوست سنیل نے کہا کہ میں ایک مسلمان کی دوکان پر ہی کام کرتا ہوں لیکن آج تک مجھے کسی بھی قسم کی کوئی تکلیف نہیں ہوئی ہے، انھوں نے نزید کہا کہ یہ سب سیاست کی وجہ سے ہوتا ہے اور اس میں عام انسان کو نقصان پہنچتا ہے۔
واضح رہے کہ دارالحکومت دہلی گذشتہ تین روز سے فسادات کی زد میں ہے جس کی وجہ سے تقریبا 20 افراد کی ہلاکت ہوئی ہے اور 200 سے زائد افراد زخمی ہیں۔
