ریاست جموں و کشمیر کے سری نگر سے تعلق رکھنے والے تین شہریوں کو آج راجستھان اور دہلی کی عدالت عالیہ نے باعزت بری کردیا ۔
جموں و کشمیر پولیس کے ایک اہلکار کے مطابق سرینگر کے خانقاہ مولا سرینگر کے رہنے والے لطیف احمد، فتح کدل کے رہنے والے مرزا نثار حسین اور حسن آباد ریناواری کے رہنے والے محمد علی بٹ کو راجستھان اور دہلی کے عدالت عالیہ نے آج باعزت بری کردیا اور وہ کچھ ہی دیر میں اپنے رشتہ داروں کے ساتھ ہوں گے۔
پولیس کے مطابق ان پر ہتھیاروں کی اسمگلنگ کا الزام تھا۔
واضح رہے کہ 21 مئی 1996 کو دہلی کے لاجپت علاقے میں ایک بم دھماکہ ہوا تھا جس میں 13 شہری ہلاک اور اور 39 دیگر زخمی ہوئے تھے۔
لاجپت نگر دھماکے بعد دوسرے روز راجستھان کے دو سہ علاقے میں بھی ایک دھماکا ہوا تھا ۔ان حملوں کو انجام دینے کے لیے جموں و کشمیر اسلامک فرنٹ کے چھ شدت پسندوں کو سزا سنائی گئی تھی۔
