ریل پٹریوں پر اب' موسکیٹو ٹرمینیٹر ٹرین' دوڑے گی

دار الحکومت دہلی میں ڈینگو اور ملیریا جیسی بیماریوں کی روک تھام کے لیے اسپیشل 'موسکیٹو ٹرمینیٹر ٹرین' چلائی جائے گی۔اس خصوصی ٹرین کا سفر 30 اگست سے شروع ہوگا۔

ریل پٹریوں کے اطراف کے علاقوں کو ڈینگو اور ملیریا جیسی بیماریوں سے محفوظ رکھنے کے لیے اس ٹرین کو چلایا جائے گا۔
ٹرین کے ساؤتھ ایم سی ڈی رہنماء اور افسران 30 اگست کو ہری جھنڈی دکھائیں گے۔
افسروں نے بتایا کہ ہر برس کی طرح یہ ٹرین نئی دہلی سے اپنا سفر شروع کرے گی۔30 اگست سے 4 اکتوبر تک یہ ریل پٹریوں کے اطراف میں موجود علاقوں میں چھڑکاؤ کرے گی۔
واضح رہے کہ اس پروگرام کے لیے ریلوے کا ایک خاص قسم کا ڈی بی کے ایم ویگن کا استعمال کرتی ہے۔جس پر ایک ٹرک کو سوار کرکے چھڑکاؤ کیا جاتا ہے۔
یہ ٹرک صبح پانچ سے نو بجے تک علاقے کے چکر لگاتے ہوئے کیڑے مار دوائی کا چھڑکاؤ کرتی ہے۔اس طرح کے پروگرام کو استعمال میں لانےکے لیے ریلوے انتظامیہ کو وزارت سے اجازت لینی ہوتی ہے۔
واضح رہے کہ یہ گاڑی دیابستی، سیوا نگر، لاجپت نگر، حضرت نظام الدین، لودھی کالونی جیسے علاقوں میں چھڑکاؤ کرے گی۔