قومی دارالحکومت دہلی میں آج تمام مساجد میں جمعۃ الوداع کی نماز کووڈ 19 کی رہنما ہدایات پر عمل کرتے ہوئے ادا کی گئی۔ یہ نہ صرف جمعۃ الوداع ہے بلکہ اسے عالمی یوم القدس کے طور پر بھی منایا جاتا ہے۔
40 برس قبل ایران کے سپریم رہنما امام خمینی کے اعلان کے بعد یوم القدس رمضان المبارک کے آخری جمعہ یعنی جمعۃ الوداع کے روز منایا جاتا رہا ہے۔
اسی کی مناسبت سے بھارت سمیت عالم اسلام میں یوم القدس کے روز مسجد الاقصی کی بازیابی کے لیے اسرائیل کے خلاف احتجاجی مظاہرہ کیا جاتا ہے لیکن رواں برس گذشتہ برسوں سے قدر مختلف ہے۔
اسی سے متعلق دارالحکومت دہلی کی شاہی مسجد فتح پوری کے دالان میں چنندہ افراد کے ذریعے آج اسرائیل اور صیہونیوں کے خلاف آواز بلند کی گئی حالانکہ اس دوران گذشتہ برسوں کی طرح عوام کا جم غفیر تو نہیں تھا لیکن اس کے باوجود رہنما ہدایات پر عمل کرتے ہوئے اس احتجاجی مظاہرے کا انعقاد کیا گیا۔
اس مظاہرے کے دوران لوگوں کے ہاتھوں میں مسجد اقصی کو یہودیوں سے آزاد کیے جانے اور ان کے خلاف احتجاجی مظاہرے کرنے سے متعلق پوسٹر دیکھیں جا سکتے ہیں۔
