ملک بھر میں لگاتار 21 دن تک پٹرول اور ڈیزل کی قیمتوں میں اضافے کا ریکارڈ بنانے کے بعد، پٹرولیم کمپنیوں نے آج قیمت میں کوئی تبدیلی نہیں کی ہے۔ بتادیں کہ اس سے پہلے بھی اتوار کے روز اس کی قیمت میں کوئی اضافہ نہیں ہوا تھا۔ منگل کو دہلی میں پٹرول کی قیمت 80.43 روپے ہے جبکہ ڈیزل بھی 80.53 روپے پر ہے۔
آئل مارکیٹنگ کمپنیاں قیمتوں کا جائزہ لینے کے بعد پٹرول اور ڈیزل کے نرخوں کو روزانہ طے کرتی ہیں۔ انڈین آئل بھارت پیٹرولیم اور ہندوستان پیٹرولیم روزانہ صبح 6 بجے پیٹرول اور ڈیزل کے نرخوں پر نظر ثانی کرتے ہیں۔
پیر کو دہلی پردیش کانگریس کمیٹی نے دارالحکومت دہلی میں تیل کی بڑھتی قیمتوں پر پورے دارالحکومت میں ایک مظاہرہ کیا۔ اس دوران پولیس نے ریاستی صدر چودھری انیل کمار کو بھی گرفتار کرلیا۔ بتادیں کہ کانگریس نے پانچ دن تک مرکزی اور ریاستی حکومت کے خلاف احتجاج کرنے کا اعلان کیا ہے۔
سرکاری تیل کمپنیوں نے رواں ماہ کئی دن تک ایندھن کی قیمتوں میں اضافہ کیا ہے۔ اس کے بعد گزشتہ اتوار کو قیمتوں کے اضافے میں تعطیل تھی، لیکن پیر کو اس میں ایک بار پھر اضافہ کردیا گیا۔
اس کے بعد کل اس پر کانگریس نے سخت احتجاج کیا تھا۔ اس کے بعد آج قیمتوں میں کوئی تبدیلی نہیں کی گئی ہے۔
