One Year Completed Farmer Protest: کسان تحریک کے ایک سال مکمل، جانیے تفصیلات

دہلی کی مختلف سرحدوں پر جاری کسان تحریک (Farmer Protest) کے ایک سال مکمل ہوگئے ہیں، مرکزی سرکار (Central Government) نے قانون کو واپس لینے کا اعلان کیا ہے لیکن کسانوں کا کہنا ہے کہ وہ اس وقت تک دہلی نہیں چھوڑیں گے جب تک کہ پارلیمنٹ سے قانون کو رد نہیں کیا جاتا ہے۔ اس ایک سال میں تحریک (Protest) کب، کن کن حالات سے گزری ہے۔ پڑھیں تفصیلی رپورٹ۔

نئی دہلی: کسانوں کی تحریک (کسان تحریک) کو آج ایک سال مکمل ہو گیا ہے (One Year Completed Farmer Protest)۔ اس سلسلہ میں اس تحریک کے دوران تقریباً 700 کسانوں کی موت ہوگئی۔ مرکزی حکومت کی طرف سے لائے گئے تین متنازعہ زرعی قوانین کے خلاف شروع ہونے والی یہ تحریک اب ایم ایس پی (Minimum Support Price) سمیت دیگر مطالبات پر جاری ہے۔ دراصل، 19 نومبر کو وزیر اعظم نریندر مودی نے تینوں زرعی قوانین کو واپس لینے کا اعلان کیا تھا۔ اس کے بعد مرکزی کابینہ کی میٹنگ میں قوانین کو واپس لینے کی تجویز بھی پاس کی گئی ہے۔

دہلی کی مختلف سرحدوں پر چلنے والی کسان تحریک (Farmers Protests) اس ایک سال میں کب اور کہاں، کن حالات سے گزری؟ پولیس کا لاٹھی چارج ہو یا ٹریکٹر ریلی (Tractor Rally) اور اس کے بعد ہونے والا تشدد، جس کے بعد ایسا لگ رہا تھا کہ کسان تحریک ختم ہونے والی ہے، لیکن تب غازی پور بارڈر کے نزدیک سینکڑوں پولیس اہلکاروں کی تعیناتی اور بی جے پی رہنماؤں کی کسانوں کو دھمکی اور راکیش ٹکیت کے آنسوؤں نے تحریک کو تقویت بخشی۔ تحریک کے دوران لکھیم پور کھیری (Lakhimpur Khiri Incident) کا واقعہ پیش آیا۔