باندرا: عمارت کا کچھ حصہ گرنے سے ایک شخص کی موت

مغربی نواحی باندرا کے کھیر واڑی علاقے میں پیر کو علی الصبح ایک عمارت کا کچھ حصہ گرنے سے ایک 28 سالہ شخص کی موت اور چھ دیگر زخمی ہوگئے۔

فائر بریگیڈ حکام کے مطابق پیر کی صبح تقریبا ڈھائی بجے رزاق چال میں پانچ منزلہ عمارت کا کچھ حصہ گر گیا۔

فائر بریگیڈ کی آمد سے قبل مقامی لوگوں نے ملبے کے نیچے دبے چھ افراد کو باہر نکالا اور فائر بریگیڈ کے لوگوں نے ملبے سے مزید 11 افراد کو باہر نکالا۔

ریاض احمد کی اس واقعہ میں موت ہوگئی اور چھ زخمی افراد کو مختلف اسپتالوں میں داخل کرایا گیا ہے۔ زخمیوں کی حالت مستحکم ہے۔

یو این آئی