وزیر اعظم نریندر مودی کی آج 71 ویں یوم پیدائش ہے۔ اس موقع پر جہاں ان کے پرستار خوشی کا اظہار کرتے ہوئے دعائیں دے رہے ہیں تو وہیں انڈین یوتھ کانگریس نے آج کے دن کو 'بے روزگار دیوس' کے طور پر منانے کا فیصلہ کیا ہے۔ سماجی رابطہ ویب سائٹس جیسے ٹوئیٹر، فیس بک اور دیگر سائٹس پر 'قومی بے روزگار دن' ٹرینڈ کر ریا ہے۔
ٹوئیٹر پر NationalUnemploymentDay# نام سے ٹرینڈ چلایا جا رہا ہے۔
راہل گاندھی نے کہا کہ 'نوجوانوں کو اپنے حق کی لڑائی لڑنی ہوگی، یہ لڑائی ہندوستان کے مستقبل کی ہے۔'
وہیں یوتھ کانگریس نے نوجوانوں سے درخواست کرتے ہوئے لکھا 'آئیے بے روزگاری کے خلاف راہل کی مہم کو آگے بڑھائے، وزیراعظم کی یوم پیدائش کو قومی بے روزگار دیوس کے طور پر منائیں۔'
وہیں اتراکھنڈ کے شملہ میں یوتھ کانگریس کے ریاستی صدر نگم بھنڈاری کی صدرات میں پریس کانفرنس کا انعقاد کیا گیا، جہاں آج کے دن کو قومی بے روزگار دیوس کے طور پر منانے کا فیصلہ کیا گیا، ساتھ ہی کئی پوسٹر جاری کیے گئے۔
ایک ٹوئیٹر یوزر چندر پرکاش اگروال نے لکھا کہ 'سالگرہ مبارک ہو مودی جی، دو کروڑ نوکریاں کہا ہیں؟'
وہیں ایک اور یوزر ربیع الحسن نے طنزیہ لہجے میں لکھا کہ 'وہ شخص جس نے بھارت کو ریکارڈ توڑنے والی بے روزگاری کی طرف دھکیل دیا اور پورے بھارت کو بے روزگار کردیا۔ شکریہ جناب نریندر جی، روزگار دو۔'
یہ بھی پڑھیں: پی ایم مودی کی سالگرہ: عام گھرانے سے سیاسی عروج تک کا سفر
ہری کیش نامی یوزر نے لکھا 'ہر سال دو کروڑ نوکری کہاں ہے'؟
ایسے ہی دیگر کئی سوشل میڈیا صارفین نے قومی بے روزگار دن کو منانے کے لئے مہم چلائی۔ اس مہم میں کانگریس کے علاوہ دیگر حزب اختلاف کی جماعتوں کے کارکن بھی حصہ لے رہے ہیں۔
