چراغ دہلی گاؤں میں بیٹے کی خواہش رکھنے والی ماں نے دو ماہ کی بیٹی کو مبینہ طور پر گلا دبا کر قتل کر دیا۔ قتل کے بعد لڑکی کی لاش گھر میں پڑے مائیکرو ویو اوون میں چھپا دی۔ اہل خانہ نے لڑکی کی گمشدگی کی اطلاع پولیس کو دی۔ گھر میں تلاشی کے دوران لڑکی کی لاش اوون سے برآمد ہوئی۔
مالویہ نگر پولس تھانہ نے لاش کو قبضے میں لے کر پوسٹ مارٹم کے لیے بھیج دیا۔ اہل خانہ کا الزام ہے کہ لڑکی کی ماں نے اس کا قتل کیا ہے۔ پولیس فی الحال نامعلوم افراد کے خلاف قتل کا مقدمہ درج کر کے لڑکی کے والدین سے پوچھ گچھ کر رہی ہے۔
ڈپٹی کمشنر آف پولیس ونیتا میری جیکر نے بتایا کہ گلشن کوشک اپنے خاندان کے ساتھ چراگ دہلی گاؤں میں رہتے ہیں۔ اہلیہ ڈمپل کوشک کے علاوہ خاندان میں ایک چار سالہ بیٹا اور دو ماہ کی بیٹی تھی۔ گلشن کی والدہ اور بھائی بھی اس کے ساتھ رہتے ہیں۔ گلشن گھر کے نیچے ہی کریانہ (راشن) کی دکان چلاتا ہے۔ پولیس افسر نے بتایا کہ پیر کو تقریباً پانچ بجے چراغ دہلی گاؤں سے ایک بچی کے لاپتہ ہونے کی اطلاع ملی۔
یہ بھی پڑھیں:
Dog Owner Kills a Man in Ghaziabad: کتے کے مالک نے چاقو سے نوجوان کا قتل کیا
جس کے بعد پولیس کی ٹیم موقع پر پہنچ گئی۔ جہاں لڑکی کی دادی اور اس کے پڑوسی گھر میں لڑکی کو ڈھونڈ رہے تھے۔ گھر میں تلاشی کے دوران لڑکی کی لاش گھر کی دوسری منزل پر ایک تباہ شدہ مائیکرو ویو اوون سے ملی۔ پولیس کی ٹیم نے موقع پر پہنچ کر لڑکی کی لاش کو قبضے میں لے کر معاملے کی تفتیش شروع کردی۔
پولیس کی ابتدائی تفتیش سے معلوم ہوا کہ بچی کی پیدائش 27 جنوری 2022 کو ہوئی تھی۔ لڑکی کی ماں کو بیٹا چاہیے تھا جس کی وجہ سے وہ بیٹی کی پیدائش کے بعد خوش نہیں تھی۔ پڑوسیوں اور رشتہ داروں کی مانیں تو ڈمپل اور ان کے شوہر کے درمیان اس بات پر کئی بار جھگڑا بھی ہوا۔ جس کمرے سے لڑکی کی لاش ملی وہ باہر سے بند تھا۔
