ملک میں کووڈ ٹیکہ کاری مہم کے 393ویں دن سنیچر کو 44 لاکھ سے زیادہ کووڈ ٹیکے لگائے گئے اور اس کے ساتھ ہی کووڈ ٹیکہ کاری 172.75کروڑ سے زیادہ ہوگئی۔
صحت اور خاندانی فلاح وبہبود کی مرکزی وزارت نے دیر شام یہاں بتایا کہ ملک میں کووڈ ٹیکہ کاری مہم کے تحت آج شام سات بجے تک 172کروڑ 75لاکھ 94ہزار 539 کووڈ ٹیکے لگائے جا چکے ہیں۔ آج 44,63, 682 کووڈ ٹیکے لگائے گئے ہیں۔
اعدادو شمار کے مطابق اضافی خوراک کے اہل افراد کو ایک کروڑ 72 لاکھ دو ہزار 866 کووڈ ٹیکے لگائے گئے ہیں۔
اعدادوشمار میں بتایا گیا کہ 95کروڑ 62 لاکھ 36ہزار 425 لوگوں کو کووڈ کے ٹیکے کی پہلی خوراک دی گئی ہے جبکہ 75,41,55,248 کو دوسری خوراک بھی دی جا چکی ہے۔
وزارت نے کہا کہ ٹیکہ کاری دیر شام تک جاری رہی۔ اس لیے آخری تعداد میں اضافہ ہونے کا امکان ہے۔وزارت کے مطابق ٹیکہ کاری کا باقاعدہ طورپرجائزہ لیا جاتا ہے اور اعلی سطح پر نگرانی کی جاتی ہے۔
(یو این آئی)
