قفس میں مجھ سے روداد چمن کہتے نہ ڈر ہمدم
گری ہے جس پہ کل بجلی وہ میرا آشیاں کیوں ہو
پھر ترے کوچے کو جاتا ہے خیال دل، غم، گستہ مگر یاد آیامرزا اسداللہ غالب جنہیں اردو شعر و شاعری کے شیکسپیئر کہا جاتا ہے آج ان کی یوم وفات ہے۔
مرزا غالب کے یوم وفات کے موقع پر پرانی دہلی کی ان تنگ گلیوں میں واقع مرزا غالب کی حویلی میں فن خطاطی کے ماہر صلاح الدین سے ای ٹی وی بھارت نے بات چیت کی۔
اس دوران صلاح الدین نے بتایا کہ وہ گزشتہ ایک برس سے مرزا غالب کی حویلی آ رہے، لیکن انہیں اس بات کا ملال ہے کہ جب مرزا غالب کی یوم پیدائش تھی تب انہیں امید تھی انہیں خراج عقیدت پیش کرنے کے لیے حکمراں جماعت کی جانب سے اعلیٰ افسران مرزا غالب کی حویلی پر تشریف لائیں گے، لیکن ان کی امید پر پانی تب پھر گیا کہ جب ایک بھی سرکاری ملازم آ نہیں آیا۔
انہوں نے بتایا کہ حکومت غالب کو تو اپنا مانتی ہے، لیکن ان کی حویلی کے ساتھ سوتیلا برتاؤ کیا جارہا ہے، انہوں نے مزید کہا کہ نہ تو مرزا غالب کی یوم ولادت پر اور نہ ہی وفات پر کسی کو یہ توفیق ہوئی کہ وہ غالب کی حویلی کی خبر گیری کرسکے۔
