دہلی میں پیر کی سہ پہر ایک بجے کے لگ بھگ، جنوب مشرقی دہلی کے تغلق آباد میں ایک کچی آبادی میں اچانک آگ بھڑک اٹھی۔ اس آگ میں قریب قریب ڈھائی سو جھگیاں جل کر خاک ہوگئیں۔
تغلق آباد میں 250 جھگیاں نذر آتش
فی الحال آگ کی وجہ معلوم نہیں ہوسکی ہے۔ پولیس پورے معاملے کی تحقیقات کر رہی ہے۔ آگ کیسے لگی اس کی جانچ جاری ہے۔
واقعے کے بعد فائر گاڑیاں موقع پر پہنچ گئیں اور آگ پر قابو پالیا گیا۔ تاہم اس وقت تک تقریبا ڈھائی سو کچی آبادیاں جل گئیں۔
اس حادثے میں کچھ افراد زخمی بھی ہوئے ہیں۔ تاہم سرکاری طور پر اس کی تصدیق نہیں کی گئی ہے۔
