دہلی انتخابات میں بی جے پی کی حمایتی جماعت جے ڈی یو نے بھی دو سیٹوں پر مقابلہ کیا جہاں اسے شکست ہوئی۔ اس سلسلے میں جے ڈی یو کے رکن پارلیمان وجئے مانجھی نے ای ٹیوی بھارت سے خصوصی بات چیت کرتے ہوئے کہا کہ یہ دہلی کا نتیجہ عام آدمی پارٹی کے کام کی وجے سے نہیں ہے بلکہ عوام کو گمراہ کرکے عام آدمی پارٹی نے جیت حاصل کی ہے۔
'عام آدمی پارٹی عوام کو گمراہ کرکے جیتی ہے'
ایک سوال کے جواب میں انھوں نےکہا کہ دہلی کا اثر ریاست بہار کے اسمبلی انتخابات پر نہیں پڑے گا، کیونکہ بہار میں عوام بی جے پی اور جے ڈی یو کو جس طرح ووٹ پہلے سے دیتے آئے ہیں اس بار بھی نتیش کمار کی قیادت پر بھروسہ کرکے ووٹ دیں گے۔
دہلی کے اسمبلی انتخابات میں عام آدمی پارٹی نے شاندار جیت درج کراتے ہوئے ہیٹ ٹرک کی ہے۔ اور اردوند کیجریوال تیسری بار وزیر اعلی بننے جارہے ہیں۔
واضح رہے کہ دہلی کے انتخابات وزیراعظم نریندر مودی اور وزیر داخلہ امیت شاہ اور دیگر مرکزی وزرا کے ساتھ ساتھ وزیر اعلی بہار نتیش کمار نے زور وشور سے این ڈی اے کے حق میں مہم چلائی اور این ڈی کو کامیاب کرنے کی عوام سے اپیل کی مگر دہلی کی عوام نے کیجریوال کو ہی اپنا رہنما مانا۔
دہلی کی 70 اسمبلی نشستوں میں سے واضح اکثریت کے ساتھ تیسری مرتبہ اقتدار پر قبضہ کرنے کے بعد وزیراعلیٰ اروند کیجریوال نے دہلی کی عوام کا شکریہ ادا کیا۔
انہوں نے کہا کہ 'دہلی کی عوام نے ترقی کے نام پر ہمیں ایک مرتبہ پھر سے اقتدار سوںپا ہے۔
کیجریوال نے کہا کہ 'یہ جیت صرف پارٹی کی نہیں بلکہ دہلی کی عوام کی جیت ہے، انہوں نے کہا کہ 'یہ ہر اس خاندان کی جیت ہے جنہیں 24 گھنٹہ مفت بجلی، دہلی کے بچوں کو اچھی تعلیم مل رہی ہے اور یہ جیت ہر اس خاندان کی جیت ہے جنہیں ہسپتال میں بہتر اور کفایتی علاج مل رہا ہے۔
