عام آدمی پارٹی کے باغی ایم ایل اے کپل مشرا نے بدھ کے روز انسداد دل بدلی قانون کے تحت دہلی اسمبلی سے نااہل قرار دینے کے خلاف دہلی ہائی کورٹ میں دائر درخواست واپس لے لی۔
مسٹر مشرا نے یہاں نامہ نگاروں کو بتایا کہ وہ اپنی نااہلی کو چیلنج کرنے کے بجائے عوام کے ذریعہ دوبارہ منتخب ہوکر اسمبلی پہنچنا چاہتے ہیں۔
انہوں نے کہا کہ ان کا واحد مقصد دہلی کی بدعنوان عام آدمی پارٹی حکومت کا تختہ الٹنا ہے۔
واضح رہے کہ مسٹر مشرا حال ہی میں بھارتیہ جنتا پارٹی میں شامل ہوئے ہیں۔
بی جے پی کے حق میں انتخابی مہم چلانے پر انہیں رواں سال جنوری میں قانون ساز اسمبلی سے نااہل قرار دے دیا گیا تھا۔ انہوں نے اس وقت دعوی کیا تھا کہ وہ عام آدمی پارٹی سے وابستہ واحد فرد نہیں ہیں جنھوں نے حریف جماعتوں کے ساتھ اسٹیج شیئر کیا ہے۔
