ان درخواستوں کے مطابق امسال تقریبا 80 فیصد کا اضافہ ہوا حالانکہ آر سی اے میں محض 150 امیدواروں کی گنجائش ہے۔
ایم اے فاروقی ریٹائرڈ آئی اے ایس، آر سی اے کے ڈائریکٹر نے یہاں جاری ایک پریس ریلیز میں بتایا کہ درخواستوں میں اس قدر اضافہ جامعہ ملیہ اسلامیہ کے بہترین تعلیمی ماحول، قابل و با صلاحیت اساتذہ کی کامیابی اور کوششوں کا نتیجہ ہے۔
قابل ذکر ہے کہ 2018 سول سروسز امتحان کے تیسرے ٹاپر جنید احمد نے آرسی اے سے ہی تربیت لی تھی۔ 2018 میں آر ایس سی سے کوچنگ اور تربیت پانے والے تقریبا 43 امیدوار تھے۔ ان میں سے 29 آرسی میں رہائش پذیر تھے اور 14 نے اوری اینٹیشن پروگرام کے تحت انٹرویو کی تربیت حاصل کی تھی جس میں ماہرین کے ذریعے انٹرویو کرایا جاتا اور امیدواروں کو فیڈ بیک بھی دیا جاتا ہے۔
سال 2010 سے اب تک جب سے اس کوچنگ کا قیام عمل میں آیا ہے جامعہ سے تقریبا 200 سول سرونٹ نکل چکے ہیں جبکہ دیگر سروسیز کے لیے تقریبا 250 طلباء کامیاب ہو چکے ہیں۔
خیال رہے کہ ریسی ڈینشیئل کوچنگ سینٹر کا قیام یو جی سی تحت 2010 میں عمل میں آیا تھا جس کا مقصد ایس سی ایس ٹی، اقلیتی طبقہ جات اور خواتین کے لئے ترقی کی راہیں ہموار کرنا تھا۔ اس کوچنگ میں داخلہ میں تحریری امتحان اور اس میں کامیابی کے بعد انٹرویو کی بنیاد پر ہوتا ہے۔
آر سی اے جدید تکنالوجی سے لیس شخصیت کے ارتقاء پر مبنی بہترین سہولیات فراہم کرتا ہے جس میں امتحانات کے مختلف مراحل میں طلباء کی رہنمائی کی جاتی ہے۔ مین اور انٹرویو میں پانچ سو گھنٹوں پر مشتمل کلاسیں اور اسپیشل لیکچرز وغیرہ شامل ہوتے ہیں۔ ان کے علاوہ آر سی اے کی لائبریری بھی چوبیسوں گھنٹے کھلی رہتی ہے جس میں وائی فائی،اے سی اور کتابوں وغیرہ کی سہولیات موجود ہوتی ہیں۔ یہ طلباء کو محفوظ اور پر سکون ماحول فراہم کرتا ہے۔
