پرانی دہلی کے علاقے میں واقع پریزنٹیشن کانوینٹ اسکول کی طالبہ افراہ صدف نے سائنس مضامین میں 96 فیصد نمبروں کے ساتھ اول مقام حاصل کیا ہے۔
افراہ نے یہ بھی کہا کہ انہیں ریاضی میں 99 نمبر کی نہیں بلکہ 100 فیصد نمبر کی امید تھی، حالانکہ افراہ صدف نے نتائج پر اطمینان کا اظہار کیا ہے۔
ای ٹی وی بھارت سے بات چیت کے دوران افراہ نے بتایا کہ انہیں ریاضی میں 100 لانے کی امید تھی لیکن اب 99 نمبر ملے ایک نمبر کہاں کم ہوا وہ اس بات سے حیران ہیں، حالانکہ افراہ اپنی کامیابی سے مکمل طور پر مطمئن ہیں۔
افراہ کا کہنا ہے کہ 'انہیں امید تھی کہ وہ 95 فیصد نمبر حاصل کریں گی۔ مستقبل سے متعلق ایک سوال کے جواب میں افراہ نے بتایا کہ 'میرے والدین نے مجھ پر کسی بھی طرح کا کوئی پریشر نہیں بنایا تھا بلکہ اکثر مجھے یہ کہا جاتا تھا کہ میں آرام کروں۔'
افراہ نے مزید کہا کہ امتحان کی تیاری کرتے ہوئے طلباء کو دن بھر پڑھنے کے بجائے کچھ گھنٹے ہی پڑھنا چاہیے لیکن اس دوران سارا دھیان صرف پڑھائی پر ہی ہونا چاہیے۔
