مریض کو راستے میں ہی چھوڑ کر چلی گئی ایمبولنس

قومی دارالحکومت دہلی سے متصل گریٹر نوئیڈا کے گورنمنٹ میڈیکل ہسپتال سے ایک ٹی بی سے متاثر مریض کو ایمبولنس ملازم دادری روڈ پر چھوڑ کر فرار ہو گئے۔

اس میں محکمہ صحت کی لا پرواہی کی بھی بات کہی جا رہی ہے۔

مقامی لوگوں کو جب اس کی اطلاع ملی تو وہ اس ٹی بی کے مریض کو کورونا متاثر مریض سمجھ بیٹھے، جس کے بعد اس کی اطلاع پولیس کو دی، اطلاع ملتے ہی محکمہ صحت اور پولیس کی ٹیم جائے وقوع پر پہنچ گئی، اور اسے اپنے ساتھ لے گئی، اس کے بعد دادری کمیونٹی ہیلتھ ڈیپارٹمنٹ کی ٹیم نے مریض کو گریٹر نوئیڈا کے جی آئی ایم ایس بھیج دیا ہے۔