دہلی کے نائب وزیراعلی منیش سسودیا نے ٹیک مہندرا فاؤندیشن کے ذریعہ بدھ کو ’آن لائن مائنڈس کیز: ٹو دی لاکر روم‘ کے موضوع پر منعقدہ ویبنار سے خطاب کرتے ہوئے کہا کہ نوجوان ذہنوں کو سمت دینا سماج کی اجتماعی ذمہ داری ہے۔
انہوں نے نوجوانوں کے سامنے موجود چیلنجوں پر بحث کرتے ہوئے زندگی کے اس ابتدائی اور سب سے زیادہ مشکل برسوں میں پوری خود اعتمادی کے ساتھ ان سے نمٹنے کے لیے اہل بنانے کی سمت ممیں دلی حکومت کی کوششوں کی جانکاری دی۔
ویبنار میں دنیا کے مختلف حصوں سے اساتذہ، کونسلرس، والدین اور طلبا نے حصہ لیا۔
مسٹر سسودیا نے لینگک تفریق پر بات چیت کرتے ہوئے کہا کہ ایک لڑکی بتاتی ہے کہ کس طرح ہر روز اس کے بھائی کو گھر میں ہر معاملے میں زیادہ اہمیت دی جاتی ہے۔ بھائی کو اچھی غذا دی جاتی ہے جبکہ اس سے ایک لڑکی ہونے کے سبب ہر چیز میں ایڈجسٹ کرنے کی امید کی جاتی ہے۔ اس لڑکی نے یہ بھی بتایا کہ ہیپی نیس کلاسیز کی وجہ سے اسے اپنا ذہنی سکون بنائے رکھنے اور اپنی پڑھائی پر توجہ مرکوز کرنے کا موقع ملتا ہے۔
