نئی دہلی: ملک کی آزادی میں مسلمانوں کی قربانیوں کو فراموش نہیں کیا جاسکتا، مسلمان ہندوستان میں حصہ دار ہیں کرایہ دار نہیں، مجاہدین آزادی کی قربانیوں کے بارے میں نسل نو کو بتانے کی ضرورت ہے۔ ان خیالات کا اظہار عام آدمی پارٹی شعبہ اقلیت کے سربراہ اور مصطفی آباد کے رکن اسمبلی حاجی محمد یونس نے نیو سیلم پور میں ٹیپو سلطان کے یوم پیدائش پر منعقدہ سیمنار میں کیا۔
وہ اس پروگرام کے بحیثیت صدر تھے جس کی نظامت ’عآپ کے نوجوان لیڈر مطلوب رانا نے کی۔ اس پروگرام کا اہتمام عام آدمی پارٹی شعبہ اقلیت کے تحت کیا گیا تھا۔ جس کے کنوینر مقامی کونسلر حجن شکیلہ اور حاجی محمد افضال تھے۔
حاجی محمدیونس نے اپنے خطاب میں کہا کہ جنگ آزادی میں انگریز ٹیپو سلطان سے اتنے خوف زدہ تھے کہ انگریز خواتین اپنے بچوں کو ٹیپو سلطان کے نام سے ڈرایا کرتی تھیں۔
مزید پڑھین:
- Tipu Sultan: شیرِ میسور ٹیپو سلطان کا 271واں یوم پیدائش
- ٹیپو سلطان سے متعلق سبق کو اسکولی نصاب میں شامل کرنے کا مطالبہ
سیلم پر رکن اسمبلی عبدالرحمن نے کہا کہ ٹیپو سلطان نے میزائل کا خاکہ تیار کرکے ٹیکنالوجی کا درس دے کر پوری دنیا میں نام روشن کیا ہے اور جب ٹیپو سلطان کا نام آتا ہے تو سبھی طبقات کے لوگ فخر کرتے ہیں۔ جس کی اہم وجہ یہ بھی ہے کہ شیر میسور نے ہندو مسلم اتحاد کی جڑوں کو مضبوط کرنے کا کام کرکے انصاف کا درس دیا۔ جس سے فرقہ پرست طاقتوں کو سبق لینے کی ضرورت ہے۔
یہ بھی پڑھیں:
- Demand to Repeal CAA: اویسی نے حکومت سے 'سی اے اے' واپس لینے کا مطالبہ کیا
- Mob Attack: احمدآباد میں نام پوچھ کر مسلم لڑکوں پر چاقو سے حملہ
عرس کمیٹی کے چیئرمین ایف آئی اسماعیل، سیلم پور کونسلر حجن شکیلہ ،شاہنواز صدیقی وغیرہ نے اپنے خیالات کااظہار کیا۔
