انہوں نے ہرگھر کے ہر فرد کی کورونا جانچنے کی ہدایت بھی کی ہے، ساتھ ہی ہوم قرنطین کئے گئے ہر شخص کی نگرانی کے ساتھ طبی سہولیات بڑھانے کا حکم دیا ہے۔
مرکزی وزارت صحت کے جوائنٹ سکریٹری نے لیفٹیننٹ گورنرکو بتایا کہ متاثرہ افراد کی شناخت دہلی میں کورونا انفیکشن کی روک تھام کے لئے سب سے اہم اقدام ہے، اب ٹیسٹ کٹس کی دستیابی کافی ہے اور ماسک اور وینٹیلیٹر بھی دستیاب ہیں۔
ڈاکٹرس کو خصوصی طبی ٹریننگ دی جا رہی ہے، ایسی صورتحال میں ہوم قرنطین میں بھیجے جانے والے ہر فرد کی سرگرمیوں کی نگرانی کی جائے گی، تب ہی مثبت نتائج آسکتے ہیں، اس کی نگرانی کے لئے آشا کارکنان اور ریٹائرڈ ڈاکٹروں کو دوباری بحال کیا جاسکتا ہے۔
دہلی میں نجی اور سرکاری اسپتالوں سمیت کورونا مریضوں کے لئے تین ہزار 734 بیڈ دستیاب ہیں، کورونا کے پھیلاو کو روکنے کے لیے نشان زد کیے گئے 25 مقامات کو پوری طرح سے سیل کر دیا گیا ہے، اور میونسپل کارپوریشن ان علاقوں کو سینیٹائز کررہی ہے اس کے علاوہ بس اسٹاپ، بازار مدر ڈیری بوتھ، ٹیکسی اسٹینڈس کو بھی سینیٹائز کرنے کا عمل جاری ہے۔
