مشرقی دہلی میں لوگوں کو کورونا وائرس کے انفیکشن سے آگاہ کرنے کے لیے سینیئر سٹیزنز کورونا آگاہی کیمپ کا انعقاد کیا گیا، اس دوران میکس اسپتال کے سینئر ڈاکٹر ڈاکٹر منوج کمار نے لوگوں کو کورونا سے آگاہ کرتے ہوئے ہوشیار رہنے کا پیغام دیا۔
پروگرام میں مشرقی دہلی میں واقع میکس اسپتال کے ڈاکٹر منوج کمار نے لوگوں کو کورونا وائرس کے انفیکشن سے آگاہ کرتے ہوئے لوگوں کو کورونا سے بچاو کے لیے احتیاطی تدابیر اختیار کرنے پر زور دیا۔
کورونا سے بچنے کے لیے ادویات پر تحقیق جاری ہے لیکن لوگوں کو محتاط رہنے کی ضرورت ہے۔ خاص کر بزرگ اور ذیابیطس کے مریضوں کو احتیاطی تدابیر اختیار کرنے کی ضرورت ہے۔
ڈاکٹر نے کہا کہ کورونا سے بچنے کے لیے پہلی ترجیح ماسک لگانا ہے۔اس کے علاوہ متعدد اہم باتیں بتائیں کہ کس طرح سے بوڑھے لوگوں کو کورونا انفیکشن سے بچایا جاسکتا ہے۔انہوں نے کہا کہ کورونا سے ڈرنے کے بجائے لڑنے کی ضرورت ہے۔
