ڈی یو میں میڈیکل سائنس کا امتحان ملتوی

انتظامی وجوہات کی بناء پر دہلی یونیورسٹی میں میڈیکل سائنس کا امتحان ملتوی کردیا گیا ہے۔ فیکلٹی آف میڈیکل سائنس کے ڈپٹی رجسٹرار نے بتایا کہ امتحان کے حوالے سے جلد ہی ایک نئی تاریخ کا اعلان کیا جائے گا۔

فیکلٹی آف میڈیکل سائنس کے ڈپٹی رجسٹرار ایس کے ڈوگرہ نے بتایا کہ ایم ڈی ، ایم ایس ، ایم ڈی ایس اور ڈپلومہ ان پوسٹ گریجویشن جیسے کورسز کے لیے جو امتحان 16 جون کو شروع ہونا تھا ، کچھ انتظامی وجوہات کی بنا پر ملتوی کردیا گیا ہے۔ انہوں نے کہا کہ جلد ہی ان تمام کورسز کے امتحانات کے لیے معلومات فراہم کی جائیں گی۔

ہم آپ کو بتادیں کہ یکم جولائی سے دہلی یونیورسٹی میں گریجویشن اور پوسٹ گریجویشن میں آخری سال کے طالب علموں کے لیے اوپن بک امتحان کے بارے میں بھی تنازعہ چل رہا ہے۔