ڈائریکٹوریٹ آف ایجوکیشن Directorate of Education دہلی کی جانب سے نرسری میں داخلے کے لیے رہنما خطوط جاری کیے گئے ہیں، 14 دسمبر تک اسکولوں کو نرسری میں داخلے کے معیار کو اپ لوڈ کرنے کے احکامات دیئے گئے ہیں۔ ساتھ ہی داخلہ کے لیے درخواست کا عمل 15 دسمبر سے شروع ہوگا۔
ڈائریکٹوریٹ آف ایجوکیشن کی جانب سے جاری کردہ داخلہ شیڈول کے مطابق پرائیویٹ اسکولز میں نرسری کے داخلوں کے لیےدرخواست کا عمل 15 دسمبر سے شروع ہوگا اور 7 جنوری درخواست دینے کی آخری تاریخ ہے
ساتھ ہی اسکولز سے کہا گیا ہے کہ وہ 4 فروری کو پہلی فہرست کے ساتھ ویٹنگ لسٹ کے طلباء کی فہرست جاری کریں۔ اس کے علاوہ اگر کسی والدین کو پہلی فہرست میں داخلے کے حوالے سے کوئی شکایت ہے تو وہ 5 فروری سے 12 فروری تک تحریری طور پر شکایت درج کرا سکتا ہے۔
دوسری فہرست 21 فروری کو جاری کی جائے گی۔ اس کے علاوہ اگر ضرورت پڑی تو 15 مارچ کو ایک اور فہرست جاری کی جا سکتی ہے۔ ساتھ ہی ڈائریکٹوریٹ آف ایجوکیشن نے کہا کہ پرائیویٹ اسکولوں میں نرسری کے داخلے کا عمل 31 مارچ تک مکمل کر لیا جائے گا۔
مزید پڑھیں:دہلی: اسکول کھولنے کے مطالبہ پر منیش سسودیا کا ردعمل
اس کے ساتھ ہی ڈائریکٹوریٹ آف ایجوکیشن نے تمام اسکولز کو 7 جنوری تک داخلے کے لیے فارم دستیاب کرانے کی ہدایت کی ہے۔ یہ بھی کہا کہ فارم کے لیے صرف 25 روپے وصول کیے جا سکتے ہیں۔ اس کے علاوہ والدین کو کسی فیس یا پراسپیکٹس کے لیے مجبور نہیں کیا جا سکتا۔ ڈائریکٹوریٹ آف ایجوکیشن نے تمام نجی اسکولوں کو ہدایت کی ہے کہ وہ بالترتیب 31 دسمبر تک تین تعلیمی سیشن 2019-20، 2020-21، 2021-22 کے لیے داخلہ سطح کی کلاسوں (نرسری، کے جی اور آئی) کا ڈیٹا فراہم کریں۔
