دہلی: اسمبلی انتخابات کے پیش نظر سکیورٹی سخت

دہلی میں اسمبلی انتخابات کے پیش نظرضابطہ اخلاق نافذ ہے اور یوم جمہوریہ کی تیاریاں بھی زورو شور سے جاری ہیں، ان تمام معاملات کے پیش نظرایک میٹنگ کا انعقاد کیا گیا تھا

قومی دارالحکومت دہلی کے ہوم سیکریٹری اجے کمار بھلا نے پولیس کمشنر امولیا پٹنایک کے ساتھ پولیس ہیڈ کوارٹر میں ایک میٹنگ منعقد کی، میٹنگ میں دہلی کے لا اینڈ آرڈر کا جائزہ لیا گیا۔

واضح رہے کہ انتخابات کے پیش نظر دہلی میں ضابطہ اخلاق نافذ ہے اور یوم جمہوریہ کی تیاریاں بھی زورو شور سے جاری ہیں۔

میٹنگ میں پٹنایک نے پولیس کے اعلیٰ عہدیدارون سے بھی گفتگو کی اور سیکیورٹی انتظامات کا جا ئزہ لیا۔

پٹنایک نے کہا کہ دہلی میں اسمبلی انتخابات کے تحت ضابطہ اخلاق نافذ ہے اس تعلق سے انہوں نے تمام عہدیداران کو مستعد رہنے اور سخت سیکیورٹی انتظامات کو یقینی بنانے کی ہدایت دی۔