خیال رہے کہ ذاکر خان کا تعلق شمال مشرقی دہلی کے ویلکم علاقے سے ہے اور انہیں دو مرتبہ کونسلر کے انتخابات میں کامیابی ملی، حالانکہ انہوں نے اسمبلی انتخابات میں بھی ہاتھ آزمانے کی کوشش کی تھی لیکن انہیں اس میں کامیابی حاصل نہیں ہو پائی لیکن دہلی کے وزیر اعلی اروند کیجریوال کے خاص مانے جانے والے ذاکر خان کے تعلق سے کہا جاتا ہے کہ انہیں ان کی وفاداری کے عوض دہلی اقلیتی کمیشن کے چیئرمین کا عہدہ ملا ہے۔ انہوں نے ڈاکٹر ظفرالاسلام خان کی جگہ عہدہ سنبھالا ہے۔
ذاکر خان نے مزید بتایا کہ دہلی حکومت کی جانب سے شروع کی گئی تمام اسکیموں کو اقلیتی برادری تک پہنچانا ان کی اولین ترجیحات میں شامل ہوگا۔ وہیں سکھ سماج سے آنے والے کنول سنگھ نے کرتار سنگھ کوچر کا عہدہ سنبھالا ہے۔'
انہوں نے ای ٹی وی بھارت کے نمائندے سے بات کرتے ہوئے کہا کہ' انہیں معلوم ہے کہ کس طرح کی پریشانیاں اقلیتی برادری کو لاحق ہیں، اس لیے انہیں اس ذمہ داری کو انجام دینے میں زیادہ دشواری کا سامنا نہیں کرنا پڑے گا۔'
