قومی دارالحکومت دہلی متصل صنعتی شہر نوئیڈا میں بھارتیہ فوج کو سلام پیش کرتے ہوئے سماجی تنظیم 'کیشو فاؤنڈیشن' نے ایک شام بھارتیہ فوج کے نام سے ایک پروگرام کا اہتمام کیا۔
تقریب میں جہاں فنکاروں نے ثقافتی پروگرام پیش کرتے ہوئے لوگوں کا دل جیتا وہیں اس موقع پر فاؤنڈیشن نے مختلف شعبوں میں بہتر کارکردگی کا مظاہرہ کرنے والی مشہور شخصیات کو علامتی نشانات سے سرفراز کیا۔
کیشیو فاؤنڈیشن نے شمال مشرقی ضلع کے بھجن پورہ علاقے میں واقع امبیکا پیلس میں 'سیلوٹ انڈین آرمی' کے نام سے یہ تقریب سجائی گئی جس میں تیہاڑ جیل کے جیلر دیپک شرما، پوٹریٹز آف پیٹریاٹ کے بانی ہتانشو ورما، رویندر چہل، سماجی کارکن روبی یادو، نیرج گپتا کے علاقہ دیگر مہمان نے شرکت کی۔
پروگرام میں موجود جتیندر سنگھ شنٹی نے میڈیا اہلکاروں سے گفتگو کرتے ہوئے کہا کہ 'جب ہم لال قلعہ اور انڈیا گیٹ کو دیکھتے ہیں تو ہمارا سر فخر سے بلند ہو جاتا ہے'۔
انہوں نے کہا کہ 'ملک کے فوجیوں کے ساتھ ان جنگجوؤں کو بھی سلام پیش کرتا ہوں جنہوں نے کورونا دور میں عوام کی خدمت کی'۔
کیشو فاؤنڈیشن کے کیشو ورما نے کہا کہ 'یہ ہماری پچاسویں تقریب ہے، ہم نے یہ پروگرام ملک کی فوج کے لیے وقف کیا ہے کیوں کہ حقیقت میں اصل ہیرو تو ملک کی افواج ہی ہیں'۔
انہوں نے کہا کہ 'فاؤنڈیشن نے ملک کی فوج کو سلامی پیش کرنے کے لیے محض ایک چھوٹی سی کوشش کی ہے'۔
