شمالی دہلی میونسپل کارپوریشن کورونا وائرس سے جنگ لڑنے کے ساتھ ساتھ اپنی خراب معاشی حالت کی وجہ سے بھی مسلسل جنگ لڑنا پڑ رہا ہے۔
کارپوریشن کے مطابق حالت اتنی زیادہ خراب ہوگئی ہے کہ اس کے پاس اپنے ملازمین کو تنخواہ دینے کے لیے رقم تک نہیں ہے اور ملازمین کو ابھی تک فروری سے مارچ تک تنخواہ نہیں ملی ہے۔
شمالی دہلی میونسپل کارپوریشن کے کاونسلر اور ہیلتھ کمیٹی کے چیئرمین ونیت وہرا نے بتایا کہ کارپوریشن کو طویل عرصے سے فنڈز نہیں ملے ہیں، اس وجہ سے میں دہلی حکومت سے اپیل کرتا ہوں کہ کارپوریشن کو جلد سے جلد اپنے فنڈز کا حصہ دیا جائے تاکہ کارپوریشن ان ملازمین کو تنخواہ بھی دے سکے جو دن رات مسلسل کورونا وائرس جیسی وبا سے لڑنے کے لیے زمینی سطح پر کام کررہے ہیں۔
انھوں نے مزید کہا کہ اگر دہلی حکومت شمالی دہلی میونسپل کارپوریشن کو رقم جاری نہیں کرتی ہے، تو اس کے بعد ہم مرکزی حکومت سے مدد کی درخواست کریں گے، کیونکہ میونسپل کارپوریشن کی بہت ساری ضروریات ہیں جو مالی مدد کے بغیر پوری نہیں ہوسکتی ہیں۔
کارپوریشن میں ان دنوں صفائی کے کارکنوں کی بھی کمی ہے لیکن اس کے باوجود ہم علاقے کی دیکھ بھال میں کسی قسم کی کوتاہی نہیں برت رہے ہیں۔
