کانگریس کے سٹی صدر شہاب الدین نے کہا ہے کہ بی جے پی کی ریاستی اور مرکزی حکومتیں ہر روز غریب عوام پر مہنگائی کا بم برسا رہی ہیں، جو انتہائی ظالمانہ اقدام ہے۔
کانگریس کے ممبر دنیش اوانا ایڈووکیٹ نے بتایا کہ سیکٹر 93 کانگریس کے دفتر سے سیکٹر 105 پیٹرول پمپ تک مارچ کرتے ہوئے کانگریس کے عہدیدار سیکٹر 105 پٹرول پمپ پر پہنچے اور پٹرول پمپ پر موجود لوگوں کے دستخط کرائے۔
انہوں نے کہا کہ اس وقت لوگوں کا گھر چلانا مشکل ہو رہا ہے اور مہنگائی منھ زور سیلاب کی طرح بڑھتی جا رہی ہے جبکہ سرکار احتجاج کے جمہوری اور آئینی آواز کو دبانا چاہتی ہے۔
یہ بھی پڑھیں:
بغاوت کے قانون سے متعلق سپریم کورٹ کے تبصرے کا خیر مقدم: راہل گاندھی
اس موقع پر راجکمار بھارتی، پسماندہ طبقہ، کانگریس کے ریاستی نائب صدر رام کمار تنور ، ریاستی جنرل سکریٹری پھیرے سنگھ ناگر، پی سی سی ممبران پرمود شرما، لیاقت چودھری ، سابق صدر مکیش یادو ، ضلعی صدر این ایس یو آئی راجکمار مونو ، سٹی صدر ویمن اوشا شرما ، نائب صدر ڈاکٹر سیما ، جنرل سکریٹری دییا شنکر پانڈے ، جنرل سکریٹری رم کمار کمار شرما ، جنرل سکریٹری رضوان چوہدری وغیرہ موجود تھے۔
