سنٹرل بیورو آف انویسٹی گیشن (سی بی آئی) کی خصوصی عدالت نے اٹل بہاری باجپئی کی حکومت میں کوئلہ کے وزیر مملکت رہے دلیپ رائے اوردیگر کے خلاف 1999 میں جھارکھنڈ میں کوئلہ بلاک الاٹمنٹ معاملہ میں بے ضابطگیاں کرنے کے جرم میں 26 اکتوبر کو سزا سنائے گی۔
راؤز ایونیو میں واقع بیورو کی خصوصی عدالت کے جج بھرت پراشر نے 26 اکتوبر کے لئے فیصلہ محفوظ کر لیا۔ عدالت نے تمام قصورواروں کو فیصلہ کے دن حاضر رہنے کی ہدایت دی ہے۔
رائے کے علاوہ کوئلہ کی وزارت کے دو سابق افسر پردیپ کمار بنرجی اور نتیانند گوتم اور کیسٹرون ٹکنالوجیز لمیٹڈ (سی ٹی ایل) کے ڈائرکٹر مہیندر کمار اگروال کو بھی ا ان بے ضابطگیوں میں قصوروار ٹھہرایا گیا ہے۔
سزا یافتہ افراد کے وکیل نے عدالت سے اپنے مؤکلوں کی عمر اور صحت کے پیش نظر سزا میں نرمی برتنے کی اپیل کی تھی جبکہ حکومتی فریق نے زیادہ سے زیادہ سزا دینے پر زور دیا تھا۔
